Must Read : విడిపొయ్యి కలిసుందాం by Santosh Kaloji

మాకు  భాష రాదంటరు

మాది భాషే కాదంటరు

అన్నతమ్ముల లెక్క ఉందాం అంటరు

తమ్ముడికి దమ్మిడి  కూడా మిగల్చకుండా  గుంజుకతింటరు

జలయగ్నమని నిధులు కేటాయించినమని చెప్తరు

ఏ నీళ్ళు లేక కన్నీళ్ళే మిగిలిన రైతు గోడుని మాత్రం పట్టిచ్చుకోరు

ఫ్లోరైడ్ బాధితులకి గుక్కెడు మంచినీళ్ళు లేవు

ఫార్మ కంపెనీలు పెట్టి అభివృద్ధి చేసినమని  ప్రగల్భాలు పల్కుతరు

మాకు బతకడం రాదంటరు

మాకు బతకడం నేర్పించినమని చెప్పుకుంటరు

ఇంకెన్ని చేస్తరు ఇంకేమి ఇస్తరు

ఇగ మా బతుకు మేము బతుక్కుంటo  అంటే బతకనియ్యరు

మేము మా హక్కుల కోసం విడిపోతమంటే కరుడు కట్టిన వేర్పాటు వాదం

మీరు మద్రాసుకెళ్ళి విడిపోతే అది తెలుగోడి ఆత్మగౌరవం
మంచిగుంది మంచిగుంది అన్నయ్యల సామాజిక న్యాయం
జర జాగ్రత్త అన్నా పెరిగిందిప్పుడు తమ్ముల్లల్ల చైతన్యం

కలిసుండి దూరమయ్యే కన్న విడిపొయ్యి కలిసుండుడే నయం

తెలంగాణా రాష్ట్రం సాధించుకునుడు ఇంక ఖాయం

Thanks Santosh Kaloji for sharing.